2019 թվականի սեպտեմբերի 30-ից մեկնարկել է հանրապետական գործադիր մարմիններում հակակոռուպցիոն ծրագրերի իրականացման պատասխանատուների վերապատրաստման դասընթացները, որն իրականացնում է «Իրավական կրթության և վերականգնողական ծրագրերի իրականացման կենտրոն» ՊՈԱԿ-ը:
2019 թվականի սեպտեմբերի 2-ից «Իրավական կրթության և վերականգնողական ծրագրերի իրականացման կենտրոն» ՊՈԱԿ-ի կողմից Հայաստանի Հանրապետության երեք քրեակատարողական հիմնարկներում մեկնարկեց ազատազրկան ձևով պատիժ կրող և/կամ կալանավորված անձանց (մինչև 19 տարեկան անձանց) հանրակրթության իրականացումը:
«Իրավական կրթության և վերականգնողական ծրագրերի իրականացման կենտրոն» ՊՈԱԿ-ը ՄԱԿ-ի մանկական հիմնադրամի հետ համատեղ «Միջգերատեսչական համագործակցության խթանում և աջակցություն Երեխաների նկատմամբ բռնության դեմ պայքարի գործողությունների ազգային ծրագրի մշակմանը» ծրագրի շրջանակներում 2019 թվականի օգոստոսի 7-8-ը Գյումրի քաղաքում իրականացրել են մարզային աշխատակիցների մասնակցությամբ աշխատաժողով:
«Իրավական կրթության և վերականգնողական ծրագրերի իրականացման կենտրոն» ՊՈԱԿ-ի քարտուղարությամբ կայացավ Անչափահասների արդարադատության միջգերատեսչական խորհրդի հերթական նիստը, որին մասնակցում էր նաև ՀՀ արդարադատության նախարարի տեղակալ Քրիստիննե Գրիգորյան:
Անչափահասների արդարադատության խորհրդի այսօրվա նիստի օրակարգում ներառված է եղել Երեխաների նկատմամբ բռնության դեմ պայքարի գործողությունների ծրագրի նախագծի ներկայացումը:
«Իրավական կրթության և վերականգնողական ծրագրերի իրականացման կենտրոն» պետական ոչ առևտրային կազմակերպության կողմից իրականացվող «Իրավախախտում կատարած անձանց գեղագիտական դաստիարակություն և կրթություն» ծրագրի շրջանակում 2019 թվականի օգոստոսի 1-ին Կենտրոնի ղեկավարությունն այցելեց ՀՀ ԱՆ «Արմավիր» քրեակատարողական հիմնարկ: Այցի նպատակն էր հանձնել ավարտական հավաստագրեր այն դատապարտյալներին, ովքեր հաճախել էին հայոց լեզու և գրականություն, անգլերեն լեզու, բիզնես գրագիտություն, համակարգչային հմտություններ, դեկորատիվ կիրառական արվեստ /վիտրաժ, գծանկար, բատիկա,մանրանկարչություն, զարդակիրառական արվեստ, խեցեգործություն/ դասըթցաներին /դասընթացներին մասնակցությունը պետք է լինի առնվազն 240 ակադեմիական ժամ/: Արդյունքում, տասնիննը դատապարտյալներ ստացան հավաստագրեր: Նշենք, որ վերոնշյալ դասընթացների մեկնարկը տրվել է 2019 թվականի փետրավարի 11-ին:
«Իրավական կրթության և վերականգնողական ծրագրերի իրականացման կենտրոն» ՊՈԱԿ-ը ՄԱԿ-ի մանկական հիմնադրամի հետ համատեղ 2019 թվականի հուլիսի 25-ին կազմակերպեց երեխաների մասնակցությամբ «Երեխաների նկատմամբ բռնության կանխարգելման և արձագանքման գործողությունները» խորագրով քննարկում: Քննարկման ընթացքում երեխաները բարձրաձայնեցին խնդրի հետ կապված իրենց պատկերացումները, մշակեցին և ներկայացրեցին առաջարկություններ, թե ինչ գործողություններ իրենք կձեռնարկեին բռնության կանխարգելման և բռնության հետևանքով տուժած երեխաներին օգնելու համար, նաև առաջարկություններ՝ հասարակությունից երեխաների օտարումը թույլ չտալու վերաբերյալ, և թե ինչպիսին պետք է լինի պետության արձագանքը:
2019 թվականի հունիսի 7-ին, և հունիսի 13-ից 15-ը «Միջգերատեսչական համագործակցության խթանում և աջակցություն Երեխաների նկատմամբ բռնության դեմ պայքարի գործողությունների ազգային ծրագրի մշակմանը» ծրագրի շրջանակներում տեղի ունեցավ Անչափահասների արդարադատության խորհրդի 2019 թվականի նիստը, որի քարտուղարությունը ստանձնել է «Իրավական կրթության և վերականգնողական ծրագրերի իրականացման կենտրոն» ՊՈԱԿ-ը (այսուհետ՝ Կենտրոն):
2019 թվականի մայիսի 4-ից «Իրավական կրթության և վերականգնողական ծրագրերի իրականացման կենտրոն» պետական ոչ առևտրային կազմակերպության Կարբիի ուսումնական կենտրոնում կիրականացվեն Հայաստանի Հանրապետության հատուկ քննչական ծառայության քննիչների հատուկ ուսուցման դասընթացները:
ՀՀ արդարադատության նախարար Արտակ Զեյնալյանն ընդունել է Հայաստանում Մեծ Բրիտանիայի և Հյուսիսային Իռլանդիայի Միացյալ Թագավորության արտակարգ և լիազոր դեսպան Ջուդիթ Մարգարեթ Ֆարնուորթին: Հանդիպման ընթացքում «Իրավական կրթության և վերականգնողական ծրագրերի իրականացման կենտրոն» ՊՈԱԿ-ի փոխտնօրեն Գայանե Հովակիմյանը ներկայացրել է Միացյալ Թագավորության կառավարության աջակցությամբ 2018 թվականին մեկնարկած համատեղ ծրագրի արդյունքները:
