Փետրվարի 20-ից ՀՀ ԱՆ «Իրավական կրթության և վերականգնողական ծրագրերի իրականացման կենտրոն» ՊՈԱԿ-ի՝ ՀՀ Արագածոտնի մարզի Կարբի համայնքում գտնվող ուսումնական կենտրոնում մեկնարկել են Հայաստանի Հանրապետության արդարադատության նախարարի հրամանով հաստատված 2023 թվականի վերապատրաստման դասընթացները:
2023թ. փետրվարի 14-ին ՀՀ արդարադատության նախարարության « Իրավական կրթության և վերականգնողական ծրագրերի իրականացման կենտրոն» ՊՈԱԿ-ի (այսուհետ՝ Կենտրոն) տնօրեն Ձոնիկ Մարգարյանը մասնակցել է «Կրթությունը քրեակատարողական հիմնարկներում. մարտահրավերներ և հեռանկարներ» թեմայով կոնֆերանսին:
20.02.2023թ.
ՀՀ արդարադատության նախարարության «Իրավական կրթության և վերականգնողական ծրագրերի իրականացման կենտրոն» ՊՈԱԿ-ի (այսուհետ՝ Կենտրոն) կողմից իրականացվող ծրագրերի որակը և արդյունավետությունը բարձրացնելու, հնարավոր ռիսկերը խելամիտ կառավարելու նպատակով՝ խնդիր է դրվել ստեղծել մոնիթորինգի և գնահատման միասնական համակարգ: Համակարգը հնարավորություն կընձեռի մշտադիտարկել իրականացվող ծրագրերի ընթացքը, վեր հանել առկա խնդիրները, գնահատել միջանկյալ ու վերջնական արդյունքները:
Այդ նպատակով, սույն թվականի փետրվարի 17-ին, Կենտրոնի վերականգնողական ծրագրերի և հանրակրթության բաժնի մասնագետների համար կազմակերպվել էր ուսուցում, որը վարում էր ՀՀ աշխատանքի և սոցիալական հարցերի նախարարության աշխատանքի և սոցիալական հետազոտությունների ազգային ինստիտուտի տնօրենի տեղակալ Գառնիկ Նալբանդյանը:
Դասընթացի ընթացքում մասնակիցները ստացան մոնիթորինգի և գնահատման վերաբերյալ տեսական և գործնական գիտելիքներ, ցուցանիշների հավաքագրման ու վերլուծության, ծրագրերի ու մատուցվող ծառայությունների օբյեկտիվ գնահատման հմտություններ: 
16.02.2023թ.
Հատուկ ուսուցման դասընթացներն իրականացվում են ՀՀ ԱՆ «Իրավական կրթության և վերականգնողական ծրագրերի իրականացման կենտրոն» պետական ոչ առևտրային կազմակերպության ՀՀ Արագածոտնի մարզի Կարբի համայնքում գտնվող ուսումնական կենտրոնում։
Ծառայողներն անցնելու են տեսական և գործնական դասընթացներ, այն է՝ քաղաքացիական պաշտպանության հիմունքներ, արդի տեղեկատվական տեխնոլոգիաների կիրառում, քրեակատարողական հիմնարկներում զանգվածային անկարգությունների և այլ արտակարգ դեպքերի ժամանակ ծառայողական առաջադրանքների իրականացման տեխնիկական հմտություններ, հրազենի գործադրման կարգը, պայմանները և վարժաձևերը և այլն:
02.02.2023
Սույն թվականի հունվարի 31-ին Հայաստանի Հանրապետության արդարադատության նախարարության «Իրավական կրթության և վերականգնողական ծրագրերի իրականացման կենտրոն» պետական ոչ առևտրային կազմակերպության տնօրեն Ձոնիկ Մարգարյանը մասնակցել է «Քրեական արդարադատության համակարգում COVID-19 համավարակին հակազդում. մարտահրավերներ և լուծումներ» խորագրով կոնֆերանսին:
Հավելենք, որ համավարակի պայմաններում ՀՀ ԱՆ «Իրավական կրթության և վերականգնողական ծրագրերի իրականացման կենտրոն» պետական ոչ առևտրային կազմակերպության կողմից Հայաստանի Հանրապետության արդարադատության նախարարության քրեակատարողական հիմնարկներում անազատության մեջ պատիժ կրող անձանց կրթություն ստանալու իրավունքը իրացվել է՝ այն իրականացնելով հեռավար ուսուցմամբ:
30.01.2023թ.
01.02.2023թ.
Հունվարի 23-31-ը տեղի է ունեցել «Հանցագործություններից տուժած երեխաների և հանցագործությունների մանկահասակ վկաների հետ հարցազրույցների վարումը և միջգերատեսչական համագործակցությունը Բառնահուսի մոդելի համաձայն» թեմայով ուսուցանողների ուսուցումը , իսկ ամսի 26-ից մեկնարկել է ՝ «Հանցագործություններից տուժած երեխաների և հանցագործությունների մանկահասակ վկաների հետ հարցազրույցների վարումը և միջգերատեսչական համագործակցությունը Բառնահուսի մոդելի համաձայն» թեմայով աշխատաժողովը:
Դասընթացների մեկնարկին ներկա են եղել Հայաստանի Հանրապետության արդարադատության նախարարության «Իրավական կրթության և վերականգնողական ծրագրերի իրականացման կենտրոն» ՊՈԱԿ-ի տնօրեն Ձոնիկ Մարգարյանը, ՀՀ քննչական կոմիտեի նախագահի տեղակալ Արսեն Այվազյանը, ՄԱԿ-ի Մանկական հիմնադրամի (ՅՈՒՆԻՍԵՖ) հայաստանյան ներկայացուցիչ՝ Սիլվիա Մեստրոնին, այլ պաշտոնատար անձինք:
Միջազգային փորձագետի օգնությամբ վերապատրաստում են անցել՝ ՀՀ քննչական կոմիտեի Երևան քաղաքի վարչական և մարզային քննչական վարչությունների քննիչները, ՀՀ դատախազության Երևան քաղաքի վարչական և մարզային դատախազները, հոգեբանները, ՀՀ աշխատանքի և սոցիալական հարցերի նախարարության «Սյունիքի մարզի երեխայի և ընտանիքի աջակցության կենտրոն» հիմնադրամի սոցիալական աշխատողները, Հայ օգնության ֆոնդի Երեխաների պաշտպանության կենտրոնի ներկայացուցիչներ:
Վերապատրաստման նպատակն էր՝ «Բառնահուս» մոդելի ներդրումը Հայաստանի Հանրապետությունում՝ տուժող երեխաների հետ արդարադատության գործընթացում աշխատելու համար, որը հնարավորինս տուժած երեխային կպաշտպանի երկրորդային զոհացումից:
Մասնագետների որակավորումը կազմակերպել էր Հայաստանի Հանրապետության արդարադատության նախարարությունը, ՀՀ ԱՆ «Իրավական կրթության և վերականգնողական ծրագրերի իրականացման կենտրոն» պետական ոչ առևտրային կազմակերպությունը և միջազգային գործընկերներ՝ ՄԱԿ-ի Բնակչության հիմնադրամի (ՄԱԲՀ) և ՄԱԿ-ի Մանկական հիմնադրամի (ՅՈՒՆԻՍԵՖ) հետ համագործակցությամբ՝ Եվրոպական միության ֆինանսավորմամբ իրականացվող «Հաշվետու հաստատություններ և մարդու իրավունքների պաշտպանությունը Հայաստանում» ծրագրի շրջանակներում:
«Իրվական կրթության և վերականգնողական ծրագրերի իրականացման կենտրոն» ՊՈԱԿ-ի կողմից իրականացվող «Իրավախախտում կատարած անձանց գեղագիտական դաստիարակություն և կրթություն» ծրագրի շրջանակում կազմակերպված դասերին մասնակցության համար Հայստանի Հանրապետության արդարադատության նախարարության «Աբովյան», «Արմավիր», «Նուբարաշեն», «Սևան» քրեակատարողական հիմնարկներում պատիժ կրող 50 դատապարտյալ 2023 թվականի տարեսկզբից մինչև հունվարի 24 տեևած ժամանակահատվածում ստացել են հավաստագրեր և 2 դատապարտյալ ստացել է վկայագիր՝ 2022 թվականի ընթացքում դասընթացներին մասնակցելու համար :
Վերոնշյալ ՀՀ Ան քրեակատարողական հիմնարկներում սույն Ծրագիրը մեկնարկել է 2022 թ.-ի փետրվարի 23-ին և ավարտվել դեկտեմբերի 23-ին: Ընդհանուր առմամբ, նախորդ տարվա ընթացքում դասընթացներին մասնակցած 111 դատապարտյալ ստացել են հավաստագրեր, 11-ը` վկյագիր:
Հավելենք, որ «Իրավախախտում կատարած անձանց 2022 թվականի գեղագիտական դաստիարակություն և կրթություն» ծրագրում ներառվել և իրականացվել է 7 դասընթաց՝ «Օտար լեզու /անգլերեն,ռուսերեն/», «Համակարգչային հմտություններ», «Ընտանեկան բռնության կանխարգելում/հույզերի կառավարում/», «Էթիկա և հաղորդակցություն», «Դեկորատիվ կիրառական արվեստ»,«Հայոց լեզվի և խոսքի մշակույթի հիմունքներ», «Արհեստագործական հմտություններ / վարսավիրական հմտություններ, կարի հիմունքներ, կահույքաշինության հիմունքներ/» :
«Իրավախախտում կատարած անձանց 2022 թվականի գեղագիտական դաստիարակություն և կրթություն» ծրագրի (մոդուլ) դասախոսությունների և գործնական պարապմունքների ցանկերը հաստատվել են Հայստանի Հանրապետության արդարադատության նախարարի N 77-Ա հրամանով: Ընդհանուր դասավանդված ժամերի քանակը կազմել է 4320 ակադեմիական ժամ, խմբերի քանակը եղել են 18-ը:
25.01.2023
Այսօր մեկնարկել են անչափահասի, անգործունակի կամ հոգեկան առողջության խնդիր ունեցող անձի մասնակցությամբ քննչական գործողություններին ներգրավվող հոգեբանների որակավորման ստուգման դասընթացները:
Հոգեբանների որակավորման դասընթացների առաջին օրվա բացմանը ներկա են եղել Հայաստանի Հանրապետության արդարադատության նախարարի տեղակալ Լևոն Բալյանը և ՀՀ ԱՆ «Իրավական կրթության և վերականգնողական ծրագրերի իրականացման կենտրոն» ՊՈԱԿ-ի տնօրեն Ձոնիկ Մարգարյանը:
Դասընթացները կազմակերպվել են Հայաստանի Հանրապետության արդարադատության նախարարության «Իրավական կրթության և վերականգնողական ծրագրերի իրականացման կենտրոն» պետական ոչ առևտրային կազմակերպության և միջազգային գործընկերներ՝ ՄԱԿ-ի Բնակչության հիմնադրամի (ՄԱԲՀ) և ՄԱԿ-ի Մանկական հիմնադրամի (ՅՈՒՆԻՍԵՖ) հետ համագործակցության շրջանակներում:
Հունվարի 23-ից փետրվարի 4-ը տևող 12-օրյա տեսական մասից անմիջապես հետո կլինի նաև գործնականը, որը կիրականացվի ՀՀ քննաչական կոմիտեի քաղաքային և մարզային ստորաբաժանումներում՝ ըստ մասնակիցների բնակության վայրի:
Մասնագետները, վերապատրաստումն անցնելուց հետո, կանցնեն որակավորման փուլ: Արդյունքում, արդեն որակավորված հոգեբանները ՀՀ արդարադատության նախարարի կողմից կստանան վկայականներ և նախարարության կողմից կհաշվառվեն: 23.01.2023թ.
2022 թվականին ՀՀ արդարադատության նախարարության « Իրավական կրթության և վերականգնողական ծրագրերի իրականացման կենտրոն» ՊՈԱԿ-ը իրականացրել է հետևյալ աշխատանքները, ներդրվել և իրականացվել են նոր ծրագրեր՝
