Ընտանեկան բռնության դեմ պայքարի և այն կանխելու, ներկա և հետագա նախաձեռնությունների արդյունավետությունը բարձրացնելու և զգայուն լուսաբանելու նպատակով` նոյեմբերի 21-ին Կենտրոնի Կարբի համայնքում գտնվող ուսումնական կենտրոնում կազմակերպվեց «Երեխայի նկատմամբ ընտանիքում բռնության դեպքերի զգայուն լուսաբանում» խորագիրը կրող դասընթաց-քննարկում՝ ՀՀ արդարադատության նախարարության, Մեծ Բրիտանիայի և Հյուսիսային Իռլանդիայի Միացյալ Թագավորության դեսպանության հետ համատեղ: Այն ներառում էր երեխաների նկատմամբ բռնության դեպքերի լուսաբանմանը վերաբերող իրավական, մեդիա և հոգեբանական թեմաներ: Դասընթացին մասնակցում էին տարբեր ԶԼՄ-ների ներկայացուցիչներ, անկախ լրագրողներ, ուսանողներ: Բացման խոսքով հանդես եկավ կենտրոնի տնօրենի տեղակալ Գայանե Հովակիմյանը: Նա իր խոսքում կարևորեց ԶԼՄ-ների երեխաների նկատմամբ բռնության դեպքերի ճիշտ և զգայուն լուսաբանումը:
2019 թվականի նոյեմբերի 15-ին տեղի ունեցավ «Մարտահրավերներ և բարեփոխումներ․ մարդու իրավունքները փակ հաստատություններում» թեմայով համաժողովը, որի ընթացքում ամփոփվեց «Հանրային հայացք՝ փակ աշխարհին․ մարդու իրավունքների իրավիճակը Հայաստանի փակ հաստատություններում» երկամյա ծրագրի արդյունքները: Այն իրականացվում է «Հանրային լրագրության ակումբ» ՀԿ-ի և «Հետաքննող լրագրողներ» ՀԿ-ի կողմից՝ Եվրոպական Միության և Բաց հասարակության հիմնադրամներ–Հայաստանի աջակցությամբ:
2019 թվականի հոկտեմբերի 24-ից 25-ը տեղի ունեցավ «Երեխաների առևանգման դեպքերին միջգերատեսչական համագործակցության արձագանքման կարողությունների զարգացում» երկօրյա դասընթացը համայնքային սոցիալական աշխատողների և արդարադատության ոլորտի ներկայացուցիչների, մասնավորապես պրոբացիայի ծառայողների, հարկադիր կատարումն ապահովող մարմինների, ոստիկանների, քննիչների համար:
Ազատազրկման վայրերում գտնվող անձանց կրթության իրավունքը կարևորելու, կազմակերպելու, ավելի արդյունավետ դարձնելու նպատակով «Իրավական կրթության և վերականգնողական ծրագրերի իրականացման կենտրոն» ՊՈԱԿ-ը և ՀՀ ԱՆ քրեակատարողական ծառայությունը համատեղ հոկտեմբերի 28-ին «Արմավիր» քրեակատարողական հիմնարկում իրականացրեցին «Կրթություն բոլորի համար» խորագրով միջոցառումը:
Մեկնարկեց «Կրթությունը քրեակատարողական հիմնարկներում» ծրագիրը, որի գործընկեր է նաև «Իրավական կրթության և վերականգնողական ծրագրերի իրականացման կենտրոն» պետական ոչ առևտրային կազմակերպությունը:
2019 թվականի հոկտեմբերի 7-ին ՀՀ Արդարադատության նախարարի տեղակալ Սրբուհի Գալյանը ընդունեց Դի-Վի-Վի Ինթերնեյշնալ հայաստանյան կազմակերպության կողմից իրականացվող «Կրթությունը քրեակատարողական հիմնարկներում» ծրագրի համակարգող խմբին և ոլորտում գործող կազմակերպությունների ներկայացուցիչներին:
«Իրավական կրթության և վերականգնողական ծրագրերի իրականացման» ՊՈԱԿ-ի կողմից` Մեծ Բրիտանիայի և Հյուսիսային Իռլանդիայի Միացյալ Թագավորության դեսպանության աջակցությամբ, մեկնարկեց «Երեխաների իրավունքների վրա հիմնված մոտեցմամբ ընտանիքում բռնության դեպքերի կանխարգելման և արձագանքման նպատակով» ծրագիրը, որին մասնակցել է ՀՀ փոխնախարար Քրիստիննե Գրիգորյանը:
Ծրագրի նպատակն է Հայաստանի Հանրապետությունում զարգացնել միջգերատեսչական արձագանքման մեխանիզմները՝ կանխարգելելու և արձագանքնելու ընտանեկան բռնության դեպքերը, խթանելու երեխաների իրավունքների վրա հիմնված մոտեցումը ընտանեկան բռնության դեպքերի առնչությամբ, ինչպես նաև ամրապնդել ԶԼՄ-ների կարողությունները` ընտանեկան բռնության դեպքերում հանրության հետ արդյունավետ հաղորդակցության նպատակով: Ծրագրի շրջանակում նախատեսվում է կարողությունների զարգացման երկօրյա թրեյինգ համայնքային սոցիալական աշխատողների և արդարադատության աշխատակիցների համար երեխաների առևանգման դեպքերին միջգերատեսչական, բազմակողմանի արձագանքի վերաբերյալ, ընտանեկան բռնության դեպքերում երեխայակենտրոն իրավունքի մոտեցման վերաբերյալ քննիչների և արդարադատության աշխատակիցների համար ուղեցույցի մշակում, տպագրություն և տարածում:
2019 թվականի սեպտեմբերի 30-ից մեկնարկել է հանրապետական գործադիր մարմիններում հակակոռուպցիոն ծրագրերի իրականացման պատասխանատուների վերապատրաստման դասընթացները, որն իրականացնում է «Իրավական կրթության և վերականգնողական ծրագրերի իրականացման կենտրոն» ՊՈԱԿ-ը:
2019 թվականի սեպտեմբերի 02-ից «Իրավական կրթության և վերականգնողական ծրագրերի իրականացման կենտրոն» ՊՈԱԿ-ի կողմից Հայաստանի Հանրապետության երեք քրեակատարողական հիմնարկներում մեկնարկեց ազատազրկան ձևով պատիժ կրող և/կամ կալանավորված անձանց (մինչև 19 տարեկան անձանց) հանրակրթության իրականացումը:
«Իրավական կրթության և վերականգնողական ծրագրերի իրականացման կենտրոն» ՊՈԱԿ-ը ՄԱԿ-ի մանկական հիմնադրամի հետ համատեղ «Միջգերատեսչական համագործակցության խթանում և աջակցություն Երեխաների նկատմամբ բռնության դեմ պայքարի գործողությունների ազգային ծրագրի մշակմանը» ծրագրի շրջանակներում 2019 թվականի օգոստոսի 7-8-ը Գյումրի քաղաքում իրականացրել են մարզային աշխատակիցների մասնակցությամբ աշխատաժողով:
«Իրավական կրթության և վերականգնողական ծրագրերի իրականացման կենտրոն» ՊՈԱԿ-ի քարտուղարությամբ կայացավ Անչափահասների արդարադատության միջգերատեսչական խորհրդի հերթական նիստը, որին մասնակցում էր նաև ՀՀ արդարադատության նախարարի տեղակալ Քրիստիննե Գրիգորյան:
Անչափահասների արդարադատության խորհրդի այսօրվա նիստի օրակարգում ներառված է եղել Երեխաների նկատմամբ բռնության դեմ պայքարի գործողությունների ծրագրի նախագծի ներկայացումը:
