«Մերօրյա ականավոր գրական դեմքերը» թեմայով միջոցառում «Արմավիր» քրեակատարողական հիմնարկում

Միջոցառման շրջանակում տեղի է ունեցել հանդիպում ժամանակակից հայ գրող, ՀՀ մշակույթի վաստակավոր գործիչ Խաչիկ Մանուկյանի հետ։ Հանդիպման նպատակն արդի գրականությունն ստեղծող և նրա ընթացքը կերտող հեղինակների հետ անմիջական շփման միջոցով հետաքրքրություն ձևավորելն էր գրականության, մշակույթի և ստեղծագործական մտածողության հանդեպ։

Մասնակիցները հնարավորություն են ունեցել ծանոթանալու գրողի կյանքին և ստեղծագործական ուղուն, ընթերցել են նրա բանաստեղծություններից և ստեղծագործություններից հատվածներ։

Միջոցառումը շարունակվել է հարց ու պատասխանի միջոցով, որի ընթացքում մասնակիցները հնարավորություն են ունեցել ուղղել իրենց հետաքրքրող հարցերը գրողին։