Դեկտեմբերի 14-ին Հայաստանի Հանրապետության արդարադատության նախարարության «Աբովյան» քրեակատարողական հիմնարկում «Ձեռնարկատիրական կրթություն» առարկայից տեղի է ունեցել «Իմ աշխատանքը գնահատված է» խորագրով ցուցահանդես-վաճառք, որն իրականացվել է մինչև 19-ը տարեկան ազատազրկման ձևով պատիժ կրող և/կամ կալանավորված անձանց համար հանրակրթական հիմնական ընդհանուր պետական ծրագրի շրջանակներում և կազմակերպվել «Իրավական կրթության և վերականգնողական ծրագրերի իրականացման կենտրոն» ՊՈԱԿ-ի և ՀՀ ԱՆ «Աբովյան» քրեակատարողական հիմնարկի սոցիալական, հոգեբանական և իրավական աշխատանքների բաժնի համագործակցությամբ: Ցուցադրվել են անչափահաս կալանավորված անձանց ձեռքի աշխատանքները։«Ձեռնարկատիրական կրթություն» առարկան դասավանդել է ուսուցչուհի Աննա Մուրադյանը, որն առավել ընդգծել է 11-րդ դասարանի աշակերտի ջանասիրությունն ու նվիրվածությունը, իսկ «Խեցեգործություն» դասավանդող ուսուցչուհի Հասմիկ Հովհաննիսյանը կիրառական արվեստի միջոցով կարևորել է արվեստի և բիզնեսի համագործակցության արդյունքները:
Միջոցառմանը ներկա են եղել Կենտրոնի և «Աբովյան» քրեակատարողական հիմնարկի ՍՀԻԱ բաժնի աշխատակիցներ, դասավանդող ուսուցիչներ, ազատազրկված անձինք։
Հղման աղբյուրը՝ հղում
16.12.2022թ.
