Նոյեմբերի 30-ին, ՀՀ ԱՆ «Սևան» ՔԿՀ-ում «Ռուսաց լեզու» առարկայի շրջանակներում դատապարտյալները մասնակցեցին աշնանային թեմայով գրական-երաժշտական միջոցառմանը: Այն կազմակերպվել էր «Իրավական կրթության և վերականգնողական ծրագրերի իրականացման կենտրոն» ՊՈԱԿ-ի կողմից իրականացվող 19-ը և բարձր տարիք ունեցող դատապարտյալների համար իրականացվող հանրակրթության շրջանակներում՝ ՀՀ ԱՆ «Սևան» ՔԿՀ-ի սոցիալական, հոգեբանական և իրավական աշխատանքների բաժնի հետ համատեղ:
Միջոցառման ընթացքում մասնակիցները ներկայացրեցին աշնանը նվիրված ռուսական պոեզիայի ստեղծագործություններ՝ Ս. Եսենինի, Ի. Բունինի և այլ ռուսական պոետներից: Տեսասահիկի միջոցով ունկնդրեցին իտալացի կոմպոզիտոր Անտոնիո Վիվալդիի «Չորս եղանակները» ստեղծագործությունից՝ «Աշունը»:
Ծրագրի շրջանակում իրականացված նման միջոցառումները միտված են դատապարտյալների կրթական մակարդակի բարձրացմանն ու բարոյահոգեբանական, գեղագիտական, մշակութային արժեքների վերաիմաստավորմանը:
05.12.2022թ.