02.06.2023 թ.

 

 

Սույն թվականի հունիսի 1-ին Հայաստանի Հանրապետության  արդարադատության նախարարության «Վանաձոր» քրեակատարողական հիմնարկում  կազմակերպվել էր ցուցահանդես, որին մասնակցել են Հայաստանի Հանրապետության արդարադատության նախարարության  «Իրավական կրթության և վերականգնողական ծրագրերի իրականացման կենտրոն» ՊՈԱԿ-ի կողմից իրականացվող կրթական ծրագրերում ընդգրկված դատապարտյալները: Միջոցառումը կազմակերպվել է  «Իրավական կրթության և վերականգնողական ծրագրերի իրականացման կենտրոն» ՊՈԱԿ-ի և ՀՀ ԱՆ «Վանաձոր» քրեակատարողական հիմնարկի սոցիալական, հոգեբանական և իրավական աշխատանքների բաժնի նախաձեռնությամբ:

Ցուցահանդեսին ներկա են եղել ՀՀ ԱՆ «Վանաձոր»  քրեակատարողական հիմնարկի վարչակազմի անդամներ, «Իրավական կրթության և վերականգնողական ծրագրերի իրականացման կենտրոն» ՊՈԱԿ-ի վերականգնողական ծրագրերի և հանրակրթության բաժնի պետ Հասմիկ Հովակիմյանը , նույն բաժնի  հանրակրթության մասնագետներ, ինչպես նաև արվեստագետներ՝ գրող, հրապարակախոս Սամվել Խալաթյանը, թատրոնի դերասան Սարգիս Ավետիսյանը և նկարիչ Աշոտ Հախոյանը:

Խեցեգործության ուսուցիչ Ալեքսան Բալայանի աջակցությամբ  կրթական ծրագրերի մասնակիցները ներկայացրել են  կիրառական արվեստի իրեր և նկարներ:  Ցուցահանդեսում ներկայացվել են նաև Ալեքսան Բալայանի և Աշոտ Հախոյանի աշխատանքները:

Միջոցառմանը մասնակցել է 20 դատապարտյալ, որոնք   ՀՀ ԱՆ «Իրավական կրթության և վերականգնողական ծրագրերի իրականացման կենտրոն» ՊՈԱԿ-ի  և ՀՀ ԱՆ «Վանաձոր» քրեակատարողական հիմնարկի ՍՀԻԱ բաժնի աշխատակիցների  կողմից արժանացել են շնորհավորանքի և գովեստի խոսքերի:

Հղման աղբյուրն՝ այստեղ