ՀՀ ԱՆ «Վանաձոր» ՔԿՀ-ում հանրակրթական դասընթացներին ընդգրկված ութ ազատազրկված անձանց շրջանում իրականացվել է անգլերենի բաց դաս, որի թեման եղել է Ամերիկայի Միացյալ Նահանգներում և Կանադայում նոյեմբերի վերջին հինգշաբթի նշվող պետական, ազգային տոնը՝ Գոհաբանության օրը։ Ցուցադրվել է նաև օրվան նվիրված վավերագրական ֆիլմ՝ անգլերեն լեզվով։«Իրավախախտում կատարած անձանց գեղագիտական դաստիարակության և կրթական ծրագրերի իրականացում՝ առանց տարիքային սահմանափակման» հանրակրթական ծրագրին մասնակցող դատապարտյալները բաց-դասի վերջում ներկայացրել են իրնց՝ «Շնորհակալության» թեմային վերաբերող նամակները, թե ում և ինչի համար են շնորհակալ: Նրանք հիմնականում շնորհակալ էին՝ Աստծուն , ընտանիքին և կյանքին :
Մասնակիցներից մեկն էլ իր նամակում շնորհակալությունն է հայտնել ՀՀ ԱՆ «Իրավական կրթության և վերականգնողական ծրագրերի իրականացման կենտրոն» ՊՈԱԿ-ին՝ իրենց կրթվելու հնարավորություն ապահովելու համար: Միջոցառման հեղինակ և կազմակերպիչն էր անգլերենի ուսուցչուհի՝ Նունե Ոսկանյանը
Հղման աղբյուրը՝ հղում
30.12.2022թ.
