13.04.2023թ.
Ապրիլի 12-ին ՀՀ արդարադատության նախարարության «Իրավական կրթության և վերականգնողական ծրագրերի իրականացման կենտրոն» ՊՈԱԿ-ի նախաձեռնությամբ և ՀՀ արդարադատության նախարարության «Աբովյան» քրեակատարողական հիմնարկի սոցիալական, հոգեբանական և իրավական աշխատանքների բաժնի աջակցությամբ տեղի է ունեցել «Հայ հայդուկային շարժումը 19-րդ դարի վերջին և 20-րդ դարի սկզբին» խորագիրը կրող միջոցառումը: Այն իրականացվել է մինչև 19-ը տարեկան ազատազրկման ձևով պատիժ կրող և/կամ կալանավորված անձանց համար հանրակրթական ծրագրի «Հայոց պատմություն» առարկայի շրջանակում: Միջոցառմանը ներկա են եղել Կենտրոնի մասնագետները և ՀՀ ԱՆ «Աբովյան» քրեակատարողական հիմնարկի սոցիալական, հոգեբանական և իրավական աշխատանքների բաժնի աշխատակիցներ, հնչել են ֆիդայական երգեր:
Հայոց պատմության ուսուցիչ Կամո Առաքելյանը ներկաներին պատմել է Հայ հայդուկային շարժման սկզբնավորման, պատմական նախադրյալների մասին, որից հետո 11-րդ դասարանի աշակերտի ներկայացմամբ հնչել է հայդուկի երդումը և թեմայի մասին տեղեկատվություն: Ուսուցիչը և աշակերտը պատմական համեմատականներ են բերել Ազգային ազտագրական պայքարին մասնակցած ֆիդայինների և Արցախյան պատերազմներին մասնակցած հերոսների միջև:
Միջոցառումն ավարտվել է թեմայի վերաբերյալ աշակերտի և մասնակիցների միջև ակտիվ քննարկմամբ և հարց ու պատասխանով:
